Asistencija Džeke u pobjedi Rome, PSŽ na pragu četvrtfinala

Asistencija Džeke u pobjedi Rome, PSŽ na pragu četvrtfinala

106
0
PODIJELI

Susret nije ponudio previše uzbuđenja u prvom poluvremenu, a najizgledniju priliku za pogodak imao je Edin Džeko.

Nakon pola sata igre kapiten reprezentacije Bosne i Hercegovine je primio loptu na lijevoj strani, sjajno se oslobodio svog čuvara i silovito šutirao, ali je pogodio samo stativu Kasiljasovog gola.

Kasiljas je ponovo bio na velikom ispitu u petom,minutu drugog poluvremena kada je nakon lijepe akcije Brajan Kristante bio u odličnoj šansi, ali je šutirao tačno po sredini gola i španski golman je odbranio njegov udarac.

U 67. minutu pokušao je i Lorenco Pelegrini, ali je Kasiljas još jednom bio na visini zadatka.

Ipak, golman Porta je kapitulirao u 70. minutu. Džeko je primio loptu u kaznenom prostoru gostiju i dodao Nikolu Zaniolu, a tinejdžer šutira precizno i matira Kasiljasa za 1:0.

U 76. minutu Roma je potvrdila pobjedu, a ponovo su kreatori pogotka bili Džeko i Zaniolo. Džeko je primio loptu na tridesetak metara od gola gostiju, oslobodio se svog čuvara i šutirao, a lopta se od stative odbila do Zaniola koji je posprema u mrežu za 2:0.

Tri minuta kasnije konačnih 2:1 postavio je Adrian, a prvi put je pogodak u Ligi šampiona čekao potvrdu VAR-a kojeg je zatražio glavni arbitar Dani Makeli.

Revanš se igra 6. marta na Dragau u Portu.

Fudbaleri Pari Sen Žermena napravili su veliki korak ka četvrtfinalu Lige šampiona.

Iako desetkovani povradama, Parižani su savladali Mančester junajted 2:0 (0:0) na Old Trafordu i tako odradili pola posla u ovom dvomeču.

Junajted je dobro parirao “Svecima” u prvih 45 minuta, ali povrede krilnih napadača Džesija Lingarda i Antonija Marsijala i njihove izmjene na poluvremenu su poremetile sistem Olea Gunara Solskjera.

Trener PSŽ Tomas Tuhel koristi tu situaciju i žestokim pritiskom PSŽ bez Nejmara i Edinsona Kavanija slama Junajted već u prvoj polovini drugog dijela meča.

Junak “Svetaca” bio je bivši igrač Junajteda Anhel di Marija, koji namješta dva gola i omogućava Presnelu Kimpembeu i Kilijanu Mbapeu da savladaju Davida de Heu u razmaku od osam minuta.

Junajted je krenuo agresivno od prve sekunde, tražio je šansu preko najslabije karike u odbrani PSŽ Kimpembea i lijeve strane terena, nekoliko puta je zaprijetio preko Rašforda i Pogbe, ali Bufon nije imao previše težak posao u tim situacijama.

Već poslije 15-ak minuta PSŽ preuzima kontrolu, diktira ritam meča i postepeno steže obruč oko kaznenog prostora Junajteda.

Nakon neuspješnog pokušaja Di Marije sa oko 20 metara, a onda greške Marsijala u kontri Junajteda, u 28. minutu smo vidjeli prvu i jedinu pravu šansu u prvom poluvremenu.

Verati i Draksler su brzim dodavanjem na jedan dodir izbacili Mbapea samog pred De Heom, Francuz je “savladao” Španca, ali je uspio da promaši cijeli gol.

Igrači dva tima su nastavili snažnu borbu u jakom ritmu, Junajted nije uspijevao da uspostavi svoj ritam jer su vezisti PSŽ potpuno odsjekli od igre Pogbu, dok s druge strane gosti nisu imali rješenja za odbranu “Crvenih đavola”, pa nije bilo golova poslije 45 minuta.

Tuhel je svjestan odnosa snaga pokrenuo snažan pritisak PSŽ u nastavku, pa “Sveci” slamaju “Đavole” sredinom drugog dijela igre.

Led su probili u 53. minutu poslije kornera, Anhel di Marija je poslao loptu na drugu stativu, a štoper Presnel Kimpembe koristi neopreznost Junajtedove odbrane i utrčava iz drugog plana pa zakucava loptu u mrežu.

Nekoliko minuta kasnije Dani Alves propušta šansu za 2:0, promašio je gol u trenutku kada je De Hea bio van svoje pozicije, dok s druge strane Erera prijeti Bufonu. Međutim, u 61. minutu Francuzi nokautiraju engleskog velikana. Nakon oduzete lopte u sredini terena ekspresno su napravili tranziciju, lopta stiže do Di Marije na lijevoj strani, a Argentinac potom šalje idealan pas u srce kaznenog pravo u noge Kilijanu Mbapeu koji lako matira De Heu.

Tri minuta kasnije Mbape je imao još jedan zicer, ali De Hea ovaj put dobija novi okršaj i ostavlja nadu Junajtedu.

Junajted u nastavku pritiskao odbranu PSŽ, ali su gosti potpuno odsjekli od igre Pogbu i Rašforda, pa je domaćin napadao bez konkretne ideje u završnici akcija.

Samo je Ander Erera uspeo dva puta da zaprijeti sa distance, ali nije bilo veće opasnosti po gol Bufona.

Na kraju je užasno veče Junajteda zapečatio Pogba, koji zbog prigovora dobija drugi žuti karton u 89. minutum, pa će propustiti revanš u Parizu 6. marta.

(RTV GD/B92)